Fóronse os anos inxenuos,
os sorrisos profundos
das conas tristes.
Fóronse os xogos de palabras,
os calzóns húmidos
e os petos furados.
Fóronse as lerias sen fin,
as horas de trapo
dos mozos quentes.
Fóronse os xestos de conquista,
as persuasións evidentes
das estafas nocturnas.
Fóronse os mocos, os gapos,
os videos porno
e as tetas de goma.
Fóronse da habitación
as caixas de cartón usadas
cheas de lembranzas vagas.
No hay comentarios:
Publicar un comentario